محدش شاف الشاطر حسن؟؟
شاب حليوه طول بعرض "حاجة تفرح"، شهم وحنين، طموح ومثابر وبيحب شغله اوي.. لكن بيحب أميرته أكتر
لما بحتاجه جنبي بلاقيه، عايشين سوا وبرضوا لكل واحد فينا حياه.. بحب فيه طيبة قلبه.. بنزعل ونتخانق.. ويصالحني... امممم .. وانا كمان بصالحه .. ما هو اصل ده الشاطر حسن مش أي حد
كلامنا عن... الكتب والناس والحب والرسم والحكايات والمسرح والفراشات.. ما هو أصله عارف اني بعشق الفراشات.. وبحب الياسمين.. وبحب أمشي حافية لما بكون زهقانه، وبحب البحر
بحب ابتسامته لما بيقولي .... بحبك
و.. وما زال البحث مستمراا
على فكرة..أخر مرة سامحتك على التأخير بس عشان الحصان جاله تمزق في الأربطة :).. كان لازم يعني أختار الشاطر حسن بحصان، كانت مالها المرسيدس :)
5 comments:
ابعت يارب
مسيره هيجي في يوم
بس تلاقى الحصان في العمليات ولسه مخرجش
الحصان عنده تمزق في الأربطة والشاطر حسن عنده قصر نظر... يارب اشفي كل الأحصنه وكل الشطار.. ونسمع قريب أحلى زغروده
ههههههههههههههههههههههه
ربنا يرزقك بيه يارب
بس مايكونش عندة تمزق فى الأربطه هوا كمان:))
كل سنه وانتى طيبه صحيح
A da ya Amira, enty olty ennek same7teeh 3al ta25eer... ya3ny geh bas met2a5ar....... ya 3lmohenm enno geh. Omal enty betdawary 3la a ba2a??? *-)
Post a Comment