أميرة

أميرة من غير قصر ولا بستان.. ولا الشاطر حسن كمان :)

لست صديقى

منذ فترة و هذا الموضوع يشغل تفكيرها, لم تكن تلتفت له من قبل و لكنها اليوم بالذات ادركت ان هذا ليس طبيعيا ...ليس طبيعيا ان تعتبره اعز اصدقائها و هو يعاملها هكذا ...كيف لم ترى هذا من قبل , كانت تعتقد انه مختلف و انها عنده مختلفه...رجعت بذاكرتها للوراء لاول مره عرفته و كيف انها ادركت منذ البدايه انه لن يمر فى حياتها مرور الكرام و لن يكون مجرد عابر و تذكرت كيف تطورت علاقتها به و كيف اقتربت منه مع الوقت و شعرت براحتها لوجوده جوارها و كانت دوما تعرف انها لا تنظر اليه مثل الباقين ,انها تنظر الى ابعد مما يتخيلون, من البدايه اعتبرته صديقا عزيزا و هكذا كانت تتعامل معه , تحكى له عما يؤرقها و تكشف امامه كل اوراقها و فى خضم كل هذا لم تدرك انها وحدها من تحدثت ...وحدها من افرغت ما فى جعبتها و لم تتلقى غير اراء و مشاورات و لكنها ابدا لم تكن صديقته ,ادركت انه لم يحكى لها ابدا عن اى شئ , لم تعرف عنه اكثر مما يعرفه الاخرون ....هنا فقط توقفت و اخرجت نفسها من الصوره لترى الامور بمنظور اخر و شاهدت علاقتهما من بعيد ...علاقة الماء بالاسفنج و فى حالتهما كانت هى الماء , كان لابد ان تعتصره حتى تحصل منه على اى شئ على عكسه, فهو كان يتشربها بكل ما فيها. قررت ان تسال اقرب الناس اليها فلم تجد حلا , وحكت لحبيب ساره ولم تصل لشئ , و وفى هذه اللحظه اتخذت قرارها ..انها تعرف انه لن يهتم ليعرف ما بها و لكنها ستجبره ان يعرف و بطريقتها هى , وجلست امام حاسبها و كتبت العنوان

اسفه .....لست صديقى ...و شرعت ف الكتابه

القنايه

هى....... صبيه حلوه و ضفايرها متحنيه
هو.......جدع, و رجولته خلت بنات الكفر مستنيه
فى مره وقت العصارى
ماشيه الصبيه و قدام القنايه راحت مهديه
خطوتها فيها دلع و حنيه
ساند هو ع الشجره قصاد القنايه و قبال الصبيه
بيرمى طوبه وراها تانيه
ويفكر ف احلام العصارى و اسرار الدنيا المستخبيه
شاف خيالها ف القنايه
قال دى اجمل من احلاها حوريه
بص ل فوق شافها بتتمنع بنظراتها و الخدود الورد عنابها م الكسوف رموشها نايمه ع العيون و مخبيه....سحر و جمال ماله مثيل
زى ما قال سبحان من خلقها حوريه
قام و عدل وقفته
بص ف عنيها ...بصاته كانت بتدخل عليها بحياء و جرأه و حنيه
مسكت ضفايرها بخجل....نطقت و قالت احلاها كلمه ودانه سمعتها
" ما تتــــــــــــلم يا بجم"

أصل الحكايه.... الصبيه و الولد

أصل الحكايه بتلف و تدور ف البلد

ان اللى راح يتلدع

هيكون فارس و يكون شجاع

لكن النهايه مش زى البدايه

و ما فى حد يعرف النهايه غير رب البشر

........................

جرصت(قرصت) ناموسه ودن الواد ,صرخ

بصت امه لابوه و اتبسمت

دلوقت بس اطمنت

ما هى تعرف ان ناموس الكفر ده جاموس

و اللدعه منه علامه ع الرجوله

لفت تزغرد ف الكفر و تقول

انا جبت راجل

انا اللى جبت الولد

..........................

الغيره و الحقد اللى مالى قلوب الحريم انتقل زى الطاعون

و العين بقت ع الواد اللى اتلدع

مسكين لا يدرى انه راح يكون

ضحيه ل خيال ..راكب حصان من نار اندلع

..........................

عدت سنين...

كبر الحليوه اللى اتلدع

و عيون بنات الكفر كلاته عليه راح تنخلع

و هو قلبه سلمه ل بنت الجيران

و اداها مفتاحه و صكوكه من زمااان

.........................

شجرة ليمون طارحه و شاهده ع الغرام ...ع الحب اللى ابتدا

تحت الفروع

وقفت تعاهده انها هتكون سند, هتكون له ام و معاه كمان بنتين و ولد

و حلف لها ان القلب وياها

و ان القيراط اللى حلته راح يكون مهر محياها

شجرة ليمون طارحه ما تعرف ايه مخبى لها القدر

............................

طلقة رصاص.....صوتها يدوى

و الكفر كلاته لملم ولاده و قعد قدام النار بيدعى

طلقة رصاص......من تار قديم

تار استخبى للفتى اللى اتلدع

طلقة رصاص.....رشقت ف كتفه

و جنب قلبه اترستقت

طلقة رصاص....بكت الصبيه و صرخت

حصان بيجرى...تراب....عفاره..هرب الجبان اللى ضرب

و بين ايدين الحلوه ....روحه سلمت للى خالقها...و عنيه اتبسمت

...........................

و من ساعتها...

يتلف ف البلاد صبيه شابه

تحكى

ع الفتى اللى قرصته ناموسه ف ودنه....راح صرخ.

قصص الفراعنه فى حلوان

قصص الفراعنه فى حلوان

نفر-دينا استنجلينا

مخ مفرقع...ضحكه جنان

قلب كبير ..حب زمان ...يجى 27 انسان

جت صاحبتها...و أخدت حبيبها(الواد سا-سونيو)

و خانتها فى وادى النطرون

جنب كليوباترا و انطونيو

عاشت مار-واترا و سا-سونيو

فى المعبد عاشت نفر-دينا

بتفكر فى طريقه تخلى حياتهم طينه

قالت على ايه اتعب نفسى

ما انا ممكن اخون و اريح قلبى

خانت أمورا-رع

و خدت منها بدع-دع

تسقيه شوربه بورق البردى

ما هو أصل الواد ابن ذوات

طول عمره بياكل candy

عاشوا فى قصر فى أخر الشارع

تحتيه خندق

و فجأه و بعد يومين

من غير ما يكونوا حاسيين

أمورا-رع هاتفجرهم

و هتاخد بتارها منهم

و مار-واترا هتموت بالسم

و سا-سونيو هيعيش بالهم

و دى نهاية قصة زمان

فى جامعة ......رع حلوان