أنا واحده من الشعب!!!

واقفه لوحدى .........
لقتنى فجأه بعلو صورتى عماله اقول
يا شعب فوق
يا شعب قوم

كنتم زمان زى الحجاره...
ع الظلم و الذل بتنحدف
لكن بقيتوا تراب....ف الارض بيدوسوا عليه
و ب اقل نسمه بينجرف

كنتم لسان للحق....
مش ساكتين ع الظلم ابدا
دلوقتى صبح الظلم اقرب صحابكم
و الخرس...زى المرض بيصيبكوا

كنتم بتقفوا ف وش الواحد منهم..
تزعقوا و تنادوا بحقكوا
دلوقتى بتطاطو الروس
شايلين على كتافكوا بلاويهم....و همكوا

كنتم.........
و زى ما بدأت فجأه لقتنى بسكت
قعدت افكر!!!!
هو الشعب ده يطلع مين؟؟؟
انا ليه بتكلم زى ما اكون مش منهم
قلت لنفسى.......ازاى الومهم؟؟
انا ساكته .....و هما كمان ساكتين

اعطانى اياها.....و أعجبتنى كثيرا

قـــــــال لــــهـــا أحــــبـــك
فــأغــمـضـت عــيـنـيـهـا نـــشــوة
وحــيــن فـتـحـتـها..لم تــجـده أمـامـهـا


قـــــــال لــــهـــا أحــــبـــك
فـــمــنــحــتــه عــيــنــيــهــا
و حــيــن رأى الـدنـيـا بـشـكـل أوضـــح
اكـتـشـف وجــود أخـريـات أجـمـل مـنـها
فـــعــشــق امــــــرأة ســـواهـــا


قــــالـــت لـــــــه أحــــبـــك
فكانت تزرع في صباح كل يوم وردة حمراء في طريقه
و كــان يـقـطف الـوردة فـي مـساء الـيوم ذاتـه
لـيـهديها لأمــرأة أخــرى قــال لـهـا أحـبك


قــــالـــت لـــــــه أحـــبـــك
فــــــــــــازداد ثــــــقـــــة
و فـــــــــــــخــــــــــــرا
و تــضـخـمـا وانــتـفـاخـا وغـــــرورا
و انــفـجـرت ذات يــــوم فـــي وجــهـه
فــــشـــوّه أجـــمـــل مــافــيـهـا


قــــالـــت لـــــــه أحــــبـــك
و أوصـــتـــه بــكــتـمـان الـــســر
فــنــشـر الــخـبـر بــيــن رفــاقــه
و مـنـحهم تـذاكـر مـجانيه لـلدخول الـى حـياته
و مـتـابعة أحــداث حـكاية عـاطفية بـطلها ..هـو


قـــــــال لــــهـــا أحــــبـــك
ومـــنــحــهــا وردة حـــــمــــراء
فــمــنـحـتـه عــمــرهــا كـــلـــه
وعــاشــا تــجـربـة حــــب جـمـيـله
و مـــع مـــرور الأيــام فـشـلت الـتـجربة
فــــخـــســـر هــــــــــو وردة
و خـــســـرت هــــــي عـــمـــرا


قــال لـهـا فــي الـصـباح الـبـاكر احـبـك
فـطـارت وحـلـقت بـأجـنحة الـخـيال فـرحـا
و هـمـس فــي اذنـيها فـي مـساء الـيوم ذاتـه
انـنـا يــا حـبـيبتي فــي الأول مــن أبـريل
فـسـقطت عـلـى أرض الـواقع .. و أنكسر الـجناح


قـــــــال لــــهـــا أحــــبـــك
و تــــــــــزوج بـــــاخـــــرى
فـأدركـت أن الـحـب لــدى الـبـعض شــيء
و الـــــــزواج شــــــي آخــــــر


قـــــــال لــــهـــا أحــــبـــك
فـأنـت اجـمـل امــرأة رأيـتـها فــي حـياتي
فــوثــقـت بـــــه ثــقــة عــمـيـاء
و مــنــحــتـه بــــــلا حــــــدود
و في غمرة سعادتها به انسحب من حياتها كلصوص الليل
فـاكـتشفت أنـها أغـبى امـرأة رآهـا فـي حـياته


قـــــــال لــــهـــا أحــــبـــك
و أخـــلـــص لـــهـــا بـــإصــرار
فــخــانـتـه بـــالإصـــرار ذاتـــــه
فــطــلـقـهـا بـــــــلا تــــــردد
وأصـبـح يـخـون بـعـدها كــل امـرأة يـلتقيها


قــــالـــت لـــــــه أحــــبـــك
و خـــشـــيـــت أن يــقــتــلـهـا ردّه
تـأخـر عـليها فـي الـرد كـثيرا..فقتلها الانـتظار


قـــــــال لــــهـــا أحــــبـــك
و ســأمــنـحـك طـــفـــلا جــمــيـلا
فـكـانت تـتـحسس بـطـنها فــي كــل يـوم
و تــحــلــم بــالــطـفـل الــمـرتـقـب
و لــيـلـة الـبـارحـه تـحـسـست ظـهـرهـا
فــوجـدت خـنـجـر الـغـدر مـغـروس فـيـه


قــــال لــهـا فـــي لـحـظـة الـــوداع
أحـــبـــك .. و ســأحــبــك لـــلأبــد
و لـــــن أنـــســاك مــــا حــيـيـت
و بــعـد ســنـوات ( قـلـيـله ) التقاها صــدفـةٌ
فــحــدّق فــــي وجــهـهـا طــويــلا
و ســـألــهــا مـــــــن تـــكـــوني



أهذا انت ايها الرجل ؟؟

Love On The Internet

Love On The Internet
Though I wasn't looking for anyone new,

One day I got e- mail and in it was you.

Charming, sensitive and so debonair,I strongly resisted it go anywhere.
But letters and stories captured my heart,Filled me with passion almost from the start.

Love on the Internet, how could it be?These things just don't happen to people like me.
But doves and butterflies flew into our lives,Carrying messages we could not deny.

Each person has meaning and love to express,And we could deny our hearts nothing less.
It's a beautiful love that has grown between us,Something beyond any words we discuss.

Much deeper than LOL, cyber kisses and such,Far down to our souls, beyond human touch.
My love's not confined by what it can see,I feel you, I taste you, I experience your dream.Close my eyes, and I envision what in my heart I can hear,

"Love knows no boundaries, no distance, no fear."

It's the soul that captures love in a wayThat eternally melts hearts together to stay.

Fused and sealed forever as one,Love has its way and new life is begun.

يا دلعك يا شروق

جيزه....هرم ..عباااااسيه.....بولاء

ميكروباصات يعنى زحمه و خنقه و بهدله

يعنى عادم و ريحه مقندله

يعنى وسع و اتااااخر و زنق ع اللى جنبك

يعنى ربع جنيه مقطوع و فكه و تتحسبن ع اللى قبلك

سواقيين رايقيين....طول النهار مشغلين كعبوو

و اللى مش عاجبو....اهو ذنبو على جنبو

سايقيين اتآرى و اللى راكب حاطط ايده على بطنه

خايف ف مره يكون واكل زياده...و يهضم ع اللى جنبه

و الناس عايزه تقضى مصالح و تروح بيتها و لو بالضرب

و المضطر لازم يركب الصعب

و هنعمل ايه ف دنيا ...ناسها مش عايزه تفوق

فاكرينها هاتحلى و تروووق

و آآه....يا دلعك يا شروق

اتوبيس 4 ..اتوبيس الهنا!!

النهارده كان عندى مشوار فى روكسى و اتفقت مع شيماء انى اروح معاها لما ترجع من الجامعه, و فعلا اتقابلنا و ركبنا اتوبيس 4 و الحمد لله كان معايا 10 قروش فكه(اصل الاجره الموحده هى جنيه و عشر قروش), ووصلنا هناك و عملت المشوار بتاعىو بعدين اضطريت انى اروح لوحدى لأن شيماء خدت مواصلات اسهل توصلها لبيتها(نداله بقه )
ووقفت ف الموقف فى روكسى حوالى تلت ساعه و بعدين اتوبيس 4 وصل بالسلامه الى ارض المعركه(قصدى المحطه)و ركبت و قعدت مستنيه حوالى تلت ساعه كمان لان السواق كان مزاجه مش رايق للسواقه(حقه طبعا ),
ووصل السواق بسلامة الله الى ارض الوطن( قصدى ارض المينى باص)و ونفضل بقبول فائق الاحترام و جمع الاجره, و دورت فى شنطتى كتير جدا بس للأسف ملقتش 10 قروش فكه( و حدثت الكارثه) و قلت هاتحمل الموقف و عواقبه و هادفع للسواق جنيه و نص و توكلت على الله.
و جمع السواق الاجره و تحرك بالمينى باص و انا طبعا كده ليا باقى 40 قرش(أصل عندى عرق منوفى) و فى واحده ورايا لها باقى 3 جنيه, و كنت على وشك انى اتخلى عن الباقى ك تبرع اجبارى(زى بتاع الجامعه) لمصلحة وسائل المواصلات لكن مبدأى الانتحارى منعنى انى اتخلى عن حقى الشرعى فى المطالبه بالباقى فهذه حريتى و يجب عليا عدم الرضوخ للاستعمار الدولى (قصدى الوطنى) .......كفايه كده
و بالفعل قتحت فمى و قلت للسواق:
انا ليا 40 قرش باقى(و كأن سحليه قرعه عضت ودن السواق)
التفت و نظر الى شزرا ( اعتقد ان النظره دى هى اللى بيقولوا انها شزرا)
و بص لى من فوق لتحت و قال بصوت جهورى:
ليكى كام.......40 قرش0 كان خلاص هايقولى يا شحاته)
و بعض من الناس المشكورين بصولى بنظرة اشفاق و تعالي زى ما يكونوا بيقولوا يا مسكينه يا غلبانه يالى عايزه الباقى.
و انا بقى و لا همنى....حسيت انى بدافع عن حق من حقوقى..و اخدت ال 40 قرش, و تقريبا موقفى شجع السيده اللى لها 3 جنيه و اصرت ان السواق يديهوملها...لكن السواق قالها ان مفيش باقى و تاخدهم و هى نازله!!!!!!!!.
ووصلنا عند جامعة عين شمس 0تقريبا ده اتوبيس نص الدنيا) وركب مجموعه من الشباب اللى مش عاجبهم حال البلد(اخص عليهم!!), وازدحم المينى باص بشكل غير عادى لدرجة انى حسيت ان فى 6 قاعدين على رجلى.
فى العباسيه ركب المفتش بتاع التذاكر, وطبعا على ما دخل المينى باص كانت حصلت مشاحنات غير عاديه(ناس ذوق وصايمين), و لما دخل وسط الناس جوه قال جمله خرمت ودانى:
ما توسعووووووووووووا كده...ايه الحريم اللى واقفه دى و الدنيا صياااااااااام.( لا تعليق)
المهم....أول ما وصلنا باب اللوق انطلق الطوفان..للخارج ( الحمد لله), و نزل نص الناس الللى ف المينى باص ...و هدأت العاصفه(قليلا), لان فى واحده قعدت جنبى رغايه و مش بتسكت ابدا...بس بلاش نتكلم كتير عليها عشان منبقاش رغايين زيها.
ووصلت الحمد لله الى ارض قريبه من منزلى حبيبى
اه...السيده اللى كان لها 3 جنيه, كانت لسه بتتحايل على السواق يديهملها و انا نازله( اتمنى انها تكون خدتهم)
و دى كانت مغامرة يوم مع مواصلات الحكومه .....و الزياده ال 10 قرووووووووش.

القصرو البستان!!

كان يا ما كان...فى زمن الاساطير و الاوهام و اللاب توب و الموبايل
كان فيه قصر مهجور- بمعنى انه مفيهوش نور- فى نهاية بلاد محدش يعرف اسمها-هى اسمها كده- القصر ده محدش كان بجرؤ يقرب منه لانهم كانوا بيقولوا انه شبه مسكون بعفاريت من كوكب منحوس
و ف يوم جاء الى بلاد محدش يعرفها امير من بلاد معروف اسمها – برضه هى اسمها كده- و قرر انه يجازف و يحاول يدخل القصر, لكن قبل ما يدخل....وقف عند باب القصر و قال قصيده مكتوبه بماء الورد و الياسمين( معرفش ازاى الخط كان باين) المهم.....حصلت المفاجأه و اتفتح باب القصر.( موسيقى تصويريه سعيده)
و دخل الامير ...و أصبح القصر مش مهجور و بستان القصر طرح ورد و ياسمين- نفس الورد و الياسمين بتوع القصيده- لكن مع مرور الوقت بدأ الامير يحن لبلده معروف اسمها... و اخد قراره انه يرجع
و وقف فى بستان القصرو قال:
لو الف عام فرقتنا سوف يجمعنا حنين او قصيده ( قصده على القصيده اللى قالها ف الاول J)
و مشى الامير... و الناس كانت فاكره ان القصر هيرجع مهجور تانى و بستان القصر ورده هيدبل و ياسمينه هيموت..... لكن المفاجأه ان القصر فضل منور....لان احساسه بحب الامير له و باهتمامه ب بستانه دخل جواه شعور بأنه من اجمل القصور – قصر بيفهم ...هو ده التطور- و أصبح جواه شعاع امل و قوه
و من و قتها عرف الناس ان القصر مش مهجور و ان بستان القصر هيفضل خصب و هيستنى حد تانى يزرعه و يهتم بيه
و اتقفل باب القصر........

أصل الحكايه.... الصبيه و الولد

أصل الحكايه بتلف و تدور ف البلد

ان اللى راح يتلدع

هيكون فارس و يكون شجاع

لكن النهايه مش زى البدايه

و ما فى حد يعرف النهايه غير رب البشر

........................

جرصت(قرصت) ناموسه ودن الواد ,صرخ

بصت امه لابوه و اتبسمت

دلوقت بس اطمنت

ما هى تعرف ان ناموس الكفر ده جاموس

و اللدعه منه علامه ع الرجوله

لفت تزغرد ف الكفر و تقول

انا جبت راجل

انا اللى جبت الولد

..........................

الغيره و الحقد اللى مالى قلوب الحريم انتقل زى الطاعون

و العين بقت ع الواد اللى اتلدع

مسكين لا يدرى انه راح يكون

ضحيه ل خيال ..راكب حصان من نار اندلع

..........................

عدت سنين...

كبر الحليوه اللى اتلدع

و عيون بنات الكفر كلاته عليه راح تنخلع

و هو قلبه سلمه ل بنت الجيران

و اداها مفتاحه و صكوكه من زمااان

.........................

شجرة ليمون طارحه و شاهده ع الغرام ...ع الحب اللى ابتدا

تحت الفروع

وقفت تعاهده انها هتكون سند, هتكون له ام و معاه كمان بنتين و ولد

و حلف لها ان القلب وياها

و ان القيراط اللى حلته راح يكون مهر محياها

شجرة ليمون طارحه ما تعرف ايه مخبى لها القدر

............................

طلقة رصاص.....صوتها يدوى

و الكفر كلاته لملم ولاده و قعد قدام النار بيدعى

طلقة رصاص......من تار قديم

تار استخبى للفتى اللى اتلدع

طلقة رصاص.....رشقت ف كتفه

و جنب قلبه اترستقت

طلقة رصاص....بكت الصبيه و صرخت

حصان بيجرى...تراب....عفاره..هرب الجبان اللى ضرب

و بين ايدين الحلوه ....روحه سلمت للى خالقها...و عنيه اتبسمت

...........................

و من ساعتها...

يتلف ف البلاد صبيه شابه

تحكى

ع الفتى اللى قرصته ناموسه ف ودنه....راح صرخ.

فول و طعميه...قصدى تامر و شوقيه

فول و طعميه....قصدى تامر و شوقيه:)


واضح ان التلفزيون المصرى خلاااااااااص ....افكاره كلها خلصت و مش لاقى حاجه يعملها غير انه يقلد افكار المسلسلات الاجنبى , و المشكله انهم معتقدين ان المتفرج اللى زى حالتنا مش هياخد باله و هيفرح ويقول ايه الحلاوه دى يا جدعان ,الافكار المصريه بقت جديده و كله تمام و عال العال!!!!!


و الدليل على كده مسلسل تامر و شوقيه ,بطولة احمد الفيشاوى و مى كساب


و اللى بيقلدوا فيه مسلسل Darma&greg


اللى كان بيتعرض على one TV


انا مش هانكر ان فكرة المسلسل اساسا حلوه, ان عائلتين بعادات و اعتقادات مختلفه و من طبقتين مختلفين يندمجوا سوا عن طريق زواج اولادهم و المفارقات الكوميديه اللى بتحصل من الموضوع ده.


بس مجرد احساسنا ان ده تقليد أعمى زى اى حاجه عندنا فى مصر بيعطى شعور بعدم الابداع و بيزود احساسنا اننا فعلا خاليين من اى افكار جديده


بس انا لسه عندى امل و الامل ده فيكوا انتوا ......أصحابى و كل الشباب اللى أعرفهم حاولوا تبدعوا و لا تقلدوا:)

فارس أحلامى

فارس أحلامى

أتريد أن تعرف حقا عنوانى و مكانى
و تعرف سببا جعل حبك فى عينى السكن و الامانى
و فضولك يدفعك لتسأل عنى و عن أحلامى
و هل انت جزء منها ؟؟؟أم انك لست الا بر أمان
اتسألنى؟!!!...و كيف تسألنى!!!
و تقول انك تقرأ افكارى و تعرف اسرارى!!
و تحلم بمكانى و تعرف أحلامى و أسفارى!!
أكنت تدعى؟؟..أم انك حقا فارس أحلامى
أحقا انت من ابحث عنه....أم انك سراب و أمانى
لا تصمت صمتا يؤلمنى ....و أجب يا أغلى ما فى كيانى

أتقول لا تعرف!!!!!!
وكيف لاتعرف و انت فارس أحلامى
أم انك تخدع أيامى.... و تقول كلاما ليس كلامى
و تفكر دوما ان انساك و تنسانى
لا....لن أسمح ان تنسانى....و كيف تنسانى ....و انت فارس أحلامى

قصص الفراعنه فى حلوان

قصص الفراعنه فى حلوان

نفر-دينا استنجلينا

مخ مفرقع...ضحكه جنان

قلب كبير ..حب زمان ...يجى 27 انسان

جت صاحبتها...و أخدت حبيبها(الواد سا-سونيو)

و خانتها فى وادى النطرون

جنب كليوباترا و انطونيو

عاشت مار-واترا و سا-سونيو

فى المعبد عاشت نفر-دينا

بتفكر فى طريقه تخلى حياتهم طينه

قالت على ايه اتعب نفسى

ما انا ممكن اخون و اريح قلبى

خانت أمورا-رع

و خدت منها بدع-دع

تسقيه شوربه بورق البردى

ما هو أصل الواد ابن ذوات

طول عمره بياكل candy

عاشوا فى قصر فى أخر الشارع

تحتيه خندق

و فجأه و بعد يومين

من غير ما يكونوا حاسيين

أمورا-رع هاتفجرهم

و هتاخد بتارها منهم

و مار-واترا هتموت بالسم

و سا-سونيو هيعيش بالهم

و دى نهاية قصة زمان

فى جامعة ......رع حلوان

أنت مين؟

انت مييين؟؟

كنت رايحه اصور الكوبرى الخشب فى المنيل

و لما شفته.... نسيت الكوبرى

كان نفسى أكلمه

بس معرفتش اقوله ايه

برغم كل اللى هو فيه

كانت على وجهه ابتسامة رضا

و فى نفس الوقت نظراته فيها خجل

خجل من انه يطلب المساعده من الناس

و فخر بأنه يطلبها من الذى لا ينسى احد

و صورت الكوبرى و مشيت و انا نفسى اسألك

انت مين؟

أمل البقاء

أمل البقاء

خرجت من سجنى شريدا

لا أعرف....ماذا أفعل!!

غير ان أبحث عنها و اسألها

لماذا هجرتنى حزينا؟؟

لماذا تركتنى وحيدا؟؟

مرت حوالى ثلاثة أعوام

لقد حسبتهم بالورق و الاقلام

سألت حتى تبينت العنوان

عرفت انها انتقلت للعيش فى حلوان

أخذت اراقب بيتها اياما

انتظرها كما كنت أفعل

فلم تخرج!!

أخذت ادقق النظرات فى نافذتها

حتى تظهر ...فلم تظهر

ثم تجرأت, احمل يأسا يهد جبال

و خطوت لأدخل مبناها

ثم توقفت ,قلت لأصبر

لكن صبرى كان قد انتهى

ف خطوت لأدخل ثانية

و مشيت بوقار

حييت البواب وسألته عنها

نظر الى ..أعطيته 10 جنيهات

ابتسم و قال الدور التالت

صعدت السلم أقدم خطوه و أؤخر اخرى

عقلى خائف مما سيراه

و قلبى ينبض بحب لم ينساه

وقفت امام الباب

يدى ترتعش

عرق يتصبب على جبينى

تماسكت

و ضغطت برفق على الجرس

مره و أخرى و أخرى

طرقت الباب بشده..فلم تفتح

ثم سمعت بابا يفتح

لا ليس بابها ..انه باب الجيران

رأيت كهلا يخرج رأسه من الباب

قال:من تريد يا ولدى؟

قلت :أريدها هى...من اهواها

قال:رحمها الله يا ولدى

لقد ماتت منذ عامين

ماذا؟؟؟

اخذت افكارى تتضارب لقد كذب البواب

ليست هنا

كيف ذهبت دون وداعى

قال الكهل:لقد صدمتها سياره

من؟؟؟من يفعل بها هذا

و اخذ يكمل بصوت باكى

لقد كانت ذاهبه الى من تحب

الى من تحب

من تحب

من تحب

صوتها يتردد فى اذنى

أحبك

عينى تحبس دمعا بكاه قلبى

حبيبتى

ثم أغلق الباب

أغلقه على قلبى المتحطم

أغلقه بعنف و بقسوه على امالى و احلامى

نزلت السلالم

منكسر القلب

محطم الاعصاب

سرت فى طريق

لا أعلم أين أذهب

تحلق أمامى ضحكتها

و تحلق بجوارى ورقه!!!

أخذتها

لفتت انتباهى عباره

انس ماضيك و عش مستقبلك لكن لا تنسى من تحب

نظرت اليها مليا

وضعتها فى جيبى

ابتسمت بحزن

و سرت ....لأكمل الطريق!!