جلست على مقعدى المعتاد ف القهوه الكبيره فى شارع مصطفى النحاس و التى أصبحت مؤخرا متعتى الوحيده للتخلص من أرق الحياه, بمجرد ان جلست سمعت صوت الصبى ينادى :"و عندك واحد فنجان المســـــاء سكر مظبوط للأستاذ". أخذت اراقب الماره فى هدوء مستمتعا بصوت فيروز الذى ينساب محركا للعواطف و انا انتظر مشروبى المعتاد , و عندما أحضره الصبى تناولته بين يدى و أخذت استنشقه فى استمتاع لاذع... و عندما تخللت الرائحه انفى اخذتنى بعيدا ......اااااااااااه...انها اللمسه الوحيده الباقيه التى تدب فيها الحياه....تذكرت عندما كنت اعود من الخارج لأجدها جالسه على كرسيها بجوار المصباح و قد تركت شعرها المموج حرا حول وجهها الخمرى و فى يدها كتابا من كتبى و بجوارها مشروبها الذى يعبق الجو برائحه ساحره من القرفه و الكركديه....مزيج يخصها وحدها ..كنت ادعوه فنجان المســــاء , كانت ترفع عينيها لتلقانى بابتسامتها الهادئه و تتحرك حافية القدمين فى ردائها الوردى الحريرى لتجذبنى برفق لأجلس على كرسيها و تجلس هى فى احضانى و تريح كتفيها داخلى و تعطينى الكتاب...فأرتشف من فنجانها و ابدا ف السرد بصوت رخيم و تميل وجهها الاملس جوار وجهى لأشعر بأنفاسها تتخللنى و استنشق عبير الياسمين فى شعرها المموج حتى أصبح فيها و ارحل معها فى سبات عميق .
أتذكر عودتى يوما لأجدها تقف شارده بجوار الشرفه و قد عقصت شعرها للوراء و بجوار كرسيها يوجد كتابى موضوع باهمال ...و فنجان المســـاء..ومن عينيها تطل نظرة حزن مبهمه, و توالت الايام............حتى جاء اليوم الذى فتحت فيه الباب لأجد غرفة المعيشه صامته....كئيبه....مكتومه ...و تلفت لأبحث عنها فلم أجد غير كتاب مغلق و فنجان فارغ و ورقه كتب عليها "أحببتــــك... كما أحببـــت فنجان المســـاء "
افقت على عبرة ساخنه تنساب من عينى , تنهدت فى ألم ...و سمعت فيروز تشدو
أهواااااك ...أهواااااك ....أهواااك بلا امل
و عيووووونك ..و عيوونك تبسم لى
و ورودك تغرينى... بشهيات القبل
فاشرت للصبى... فنادى " و عندك واحد كمان فنجان المســـاء سكر مظبوط للأستاذ " .
9 comments:
أنا عاوز واحد سكر زيادة ..
طلباتك اوامر يا مصعب افندى :)
بكرة العيد
كل سنة وانت أطيب واروع
كل عيد و انت طيب ياأحمد :)
هكذا تبدو الحياة أصعب .. ترحل ونستمر في اعتصار ذكراها حتى اخر رشفة.. بدون شكر
بما انك كاتبه قولى اللى حسيته
انا حسيت انى ممكن افقد انسان غالى عليا او حاجة بحبها قوى لمجرد انى مش قادرة استمتع بيها او اعرف قيمتها الحقيقية
فنجان المزاج او المساء حاجة او عادة بنحبها قوى وبتعملنا متعة خاصة بس لو راحت؟؟ ايه العمل ساعتها
بوست جميل قوى
تحياتى
هبة
فاشرت للصبى... فنادى " و عندك واحد كمان فنجان المســـاء سكر مظبوط للأستاذ
واحد كمان هنا
:)
بوست رائع
وسلااااااام
imagine or dream
كان نفسي ادوقه بس للأسف مش بحب القرفة
ana mafhemtesh eh ely 7asal bezabt bas hwa post 7asesny 2ad eh momken el7ayah teb2a mo2refa w ka2eeba, bs bgd enty mobde3a aweeee, w ya miro garraby tekteby 7aga moda3'de3'a lel masha3er ya3ny sa3et ma kan 2a3ed 3ala korseeha w ketafha mesh 3arfa eh law konty kamelteeha b nehaya fesfory keda kont hanshake7:D
Post a Comment