عجبتنى اوى غنوة "حزين جدا سعيد" ل على حسين و حسيت منها قد ايه احنا كل حياتنا تناقضات....بس معظمها تناقضات جميله و بتخلينا نحس بحلاوة الحياه مع احاسيس بسيطه لكن كلنا بنمر بيها
الغنوه بتقول
ياحبيبتى ليه مستغربه
لما بقول انى
حزين جدا سعيد
ما احنا بنطلع نبكى ع الاموات
ف عز ما احنا فرحانين بالعيد
و البرتقان حادق اوى مسكر
و البحر رايق بس متعكر
و الدنيا ممكن تبقى حر و برد
و الدم لونه زى لون الورد
و حلمنا قريب اوى اوى
و بعيييييييييييييييييد
و ده اللينك ....نزلوا الاغنيه و قولوا لى رأيكم فيها
8 comments:
well
the lyrics r very beautifule
i didnt like his voice that much dunno y i felt he is tryin to sing like monir and there is only one monir
but he is ok
thx 4 sharin that
حمدا لله على السلامة و مبروك على النجاح بس ابقى تعالى زورينا
تسلم دماغك بجد
تحياتي
والسلام
فعلا حياتنا كلها تناقضات
فى عز فرحتنا بنبكى وبنقول دى دموع الفرح
وهى دموع الشريط اللى عدى بسرعه اودام عنينا وافتكرنا اللى وجعنا اوى وبكينا
ana 7asseet ennaha o3'neya gamda kalemat w al7an kaman wel m3'anny bardo soto gamed w azon enno 7ayeb2a m7ammad moneer el tany....walla a ra2yek ;)
انا عجبتنى اوى يا هشان و حسيتها جدا لما سمعتها و عموما ربنا يوفقه
مبدءيا يعني الاختلافي الرأي لا يفسد للود قضيه
أصل انا الصراحه اما سمعت الاغنيه دي معجبتنيش هو ممكن يكون صوته كويس واللحن كمان حلو بس ايه الكلام الفاضي اللي في الاغنيه ده
هو ازاي البحر رايق ويكون متعكر
وازاي البرتقان بيبقي حادق ومسكر في نفس الوقت م هو يا كده يا كده
انا معاكي ان حياتنا كلها متناقضات وان الانسان ملئ بالاختلافات بس مش الاغنيه دي هي اللي توصف التناقض ده
وعلي فكره
هو ممكن يكون البحر رايق ومتعكر بس رايق من الامواج مش رايق من الصفاء
هى الفكره يا حازم ف تناقضات الاغنيه موجوده فعلا
البحر رايق يعنى شكله هادى لكن الموجه لما تيجى بتعكره
و البرتقال هو موالح يعنى حادق بس هو مسكر
و الدنيا فعلا بتبقى حر و برد لو انت ف الشتا لابس تقيل اوى ف اتحريت :)
و الورد احمر زى الدم و دى حقيقه
هى فكرة التناقضات هنا مش مباشره هى مواربه
Post a Comment