واقفه لوحدى .........
لقتنى فجأه بعلو صورتى عماله اقول
يا شعب فوق
يا شعب قوم
كنتم زمان زى الحجاره...
ع الظلم و الذل بتنحدف
لكن بقيتوا تراب....ف الارض بيدوسوا عليه
و ب اقل نسمه بينجرف
كنتم لسان للحق....
مش ساكتين ع الظلم ابدا
دلوقتى صبح الظلم اقرب صحابكم
و الخرس...زى المرض بيصيبكوا
كنتم بتقفوا ف وش الواحد منهم..
تزعقوا و تنادوا بحقكوا
دلوقتى بتطاطو الروس
شايلين على كتافكوا بلاويهم....و همكوا
كنتم.........
و زى ما بدأت فجأه لقتنى بسكت
قعدت افكر!!!!
هو الشعب ده يطلع مين؟؟؟
انا ليه بتكلم زى ما اكون مش منهم
قلت لنفسى.......ازاى الومهم؟؟
انا ساكته .....و هما كمان ساكتين
لقتنى فجأه بعلو صورتى عماله اقول
يا شعب فوق
يا شعب قوم
كنتم زمان زى الحجاره...
ع الظلم و الذل بتنحدف
لكن بقيتوا تراب....ف الارض بيدوسوا عليه
و ب اقل نسمه بينجرف
كنتم لسان للحق....
مش ساكتين ع الظلم ابدا
دلوقتى صبح الظلم اقرب صحابكم
و الخرس...زى المرض بيصيبكوا
كنتم بتقفوا ف وش الواحد منهم..
تزعقوا و تنادوا بحقكوا
دلوقتى بتطاطو الروس
شايلين على كتافكوا بلاويهم....و همكوا
كنتم.........
و زى ما بدأت فجأه لقتنى بسكت
قعدت افكر!!!!
هو الشعب ده يطلع مين؟؟؟
انا ليه بتكلم زى ما اكون مش منهم
قلت لنفسى.......ازاى الومهم؟؟
انا ساكته .....و هما كمان ساكتين
9 comments:
الله ؟!!! ايه ده!! ده انتي تحفة بقي انتي كمان
ايه الحلاوة دي كلامك جميل بجد
حظي حلو اني اتكعبلت في نجمتك
تحياتي
أنا ساكت..وهم كمان ساكتين
ولكن هذا هدوء ما قبل الـstorm
كلامك جامد فحت و ردم :)
keep it فوق
جميل مووووووووووت
بس ياريت تكوني فعلا عملتي كده
استمري والي الامام يا روميل
لأ قصدي الي الامام يا ميرو
وانا موافق الاستاذ مصعب ان ده الهدوء الذي يسبق العاصفه
وعجبي
زى العاده...بقى كلام قديم ومكرر اننا نقول ان اللى بتكتبيه ده موهبه بجد..واللى قبلى قالوا وعادوا زى منا شايف...ماخلوش ليا حاجه..
لا حاجه بسيطه:P :
(كنتم بتقفوا ف وش الواحد منهم..
تزعوا و تنادوا بحقكوا)
تزعقوااا...فين القاف؟
مع تحياتى
مصححك اللغوى ;)
يمكن هما مخدوش بالهم لأن الانسان متعود يقرأ كلمات اللغه العربيه بطريقه صحيحه طالما الحرف الاول و الاخير منها صحيح
و شكرا يا مصححى اللغوى:):)
ايه ده البوست ده جامد اوى الحمد لله انك بطلتى تتشعبطى فى اتوبيسات وميكروباصات وواقفه فى وسط الميدان ناكشه شاعرك وعماله تقولى يا شعب فوق الشعب شارب حشيش لحد ما اتعمى انسى موضوع الشعب ده خالص وانسى مصر صدقينى مصر خلاص فنيتوا ولا هدوء ولا عاصفه مافيش عواصف بتيجى فى مصر غير العواصف الترابيه والرمليه ورياح الخماسين لو فضليتى يا ميرو للصبح تقول فوق يا شعب هتلاقى الرد الناحيه التانيه بيقولك فوق يا شعب وهيكون ده صدى صوتك بس لان الشعب مش موجود الشعب طاير فى السما من المخدرات يا اما مدفون فى الشغل يا اما نايم من قله الشغل يا اما ميت فى المقابر يا اما مسافر بره هتندهى على مين فى دول انسى صدقينى
مصر يعنى ايه مصر ويعنى ايه شعب
على فكره انا مش سوداواى انا واقعى
وانا كمان مش واقعى انا محبط انا يائس من ديه بلد يعنى ايه بلد يعنى وطن يعنى ايه وطن ما تغنليش اغنيه فؤاد
يعنى عساكر دفعتك والرمله نار لا فيه بلد ولا وطن ولا اى حاجه احنا عايشين فى ارض الله وبس والارض ديه مالهاش اسم ولا فيها امل ولا عمر وحتى عمر افندى بسلامته اتباع وامل هتبقى وراه وبعدين احنا لسه بندور على امل ما هى امل اتجوزت من زمان الصراخه انا تقريبا
اتجننت ومش عارف ايه اللى انا بقوله
سلام يا ميرو وعايز اشوفك فى مدونتى حدوته تانى
يا سيدي على الشعر الحلمنتيشي
بيفكرني بعبدالله احمد عبدالله
والحاج جمعة عبد السميع
تسلم ايديكي
انا بجد مش مصدق نفسى
انا اتكعبلت فى المدونه دى ازاى
مين دى
دى ميرولوجى يعنى علوم وادب علوم
لو بصتى على اسمى اكيد هتعرفينى ولا ايه؟
بجد شعر جميل جدا
كده فيه تلاته من كليتنا مدونين مشهورين زيمو وانتى واناطبعا لسه مشهرتش فياريت تزورى مدونتى ومستنى
تعليقك
ولو عايزه اى خدمه انا تحت الطلب
وسلاااااااااااااااااااام
الاحساس جميل ولكن اللغة..... رجاء كثرة القراءة نصاب اللغة هو معيار الكاتب الجيد رجاء القراءة للمنفلوطى وشوقى والمتنبى ليس في الفكرة ولكن فى اللغة
اسامة الجندى
Post a Comment